588117808

Yann Tiersen: nowi albùm „EUSA” całi pò bretańskù

Pianysta znóny w swiece dlô zwãkòwi stegnë do filmù Amelie Poulain wëdôł nową platkã. To dô czëc w tim albùmie gładã, pòrénk ë rórip (mòrską dôkã). Minimalisticzné kòmpòzycëje zdôwają sã bëc himnã do mòrza. Mònolodżi nó ni ë title sztëczków są w jegò rodny mòwie. Samë title, np. Pern, Kereon abò Penn ar Roc’h w richtoscy są mionami òstrowów ë  môlów na bretańsczim pòmòrzim.

Platka je przeplotłô òsmë sztëczkami nazwónëmi Hent, to je pò naszémù stegna, droga. Ten pierszi a ten slédny zawiérają mònolodżi/wiérsze. Wôrt je sã wsłëchac w jejich brzëmienié, bò zwãczi jãzëka bretańsczich Celtów są tam dzélã jedny całoscë, w gromadze z szëmarzenim mòrza, zwãkã wiatrë, miéwinégò krzikù ë samégò klawérë.

Hent I

Bemdez heñvel ha bemdez disheñvel
Simfonienn veureel. Sonerezh milvedel
O tiwan bep mintin notenn goude notenn
War glaouier an Natur
Hervez faltazi an Arzour diwelus
Kanenn an deil o sourral er gwez
Chourig an dour da vili ar wazh
Hiboud ar stêr ha bourbouilh ar froud
Safron ar sardon e kalon ar bleuñv
Garm ar skrilh el lanneg krin
Beuregan an tad-moualc’h
D’e barez war wiriñ

Bretanijô to celticczi dzél Francëje, krôj leżący ù mòrza. Bretonowie to nôród, chtërnégò jãzëk niewiele mô do sprawë z francësczim, zó to jesz w dwanôstim stalatim niewiele różnił sã òd jãzëka Walów ë Kòrnwalów z Britijsczich Òstrowów. Tą gôdką gôdô dzys dwasta tësący lëdzy, tak to je jãzëk juwerny wielgòscë jak kaszëbsczi. Jednak le blós pôrã proceńt òd tegò to młodi lëdze. Do dzys francësczé państwò ni mô ùznóné jich jakò nôród, anié jich jãzëka jakò òficjalny. Wësztôłcëlë ale swòjã systemã edukacëje, òpiartą na ùczenim we dwajãzëkòwich szkòłach.

Z bretańsczim jãzëkã wiele czëtôrzi móże sã ju miec pòtkóné. W tim jãzëkù je nagrónô nôbarżi znónô piesniô z wòjnnégò filmù Black Hawk Down z 2001 rokù. Nen sztëczk to Gortoz a Ran zaspiéwóny òd Deneza Prigenta a Lisë Gerrard.

Yann Tiersen je przikłôd nié le blós bëlnégò ùtwórcë, ale téż ùtwórcë, co mimò swòji miedzënôrodny sławùtë dërch rozwijô kùlturã swòjégò môłégò nôrodë ë szturzi, że czerpiącë ze swòjich tradicyj, je mòżno twòrzëc ùtwórstwò swiatowi klasë.

EUSA
Ùtwórca: Yann Tiersen
Wëdôwca: Mute Records
Rok wëdaniô: 2016
Długòsc: 57 mën.

Dodaj komentarz

Twój adres email nie zostanie opublikowany. Pola, których wypełnienie jest wymagane, są oznaczone symbolem *

five × 2 =